رغم إنها قماش مخملي إلا أن تويوتا أثبتت أنها الأفضل في إريحية مثل هالمواد بالكراسي!

واو واو واووين السيارة ماتصرف نهائياً كأنك تسوق يارس بس كبيرة 😅

٤ سلندر توين تيربو لايليق بوزن السيارة وضخامتها. ضعيفة في القومة لكن تحويل السلندرات وإنت تضغط البنزين ممتاز إلا أن هناك حاجة غريبة لما توقف السيارة تحسن بنتعة بسيطة وهم يقولوا إنها طبيعية في محركات التيربو إلا أن محركات نيسان لانجد هالشيء يمكن لأنه نيسان أقدم من تويوتا في تكنولوجي التيربو !

 اللي صممه يستاهل جائزة نوبل ! صُمم بطريقة مو مثل الزجاج العادي تلقاه كانه مرفوع فلما تجي شمس عليك بتجي على حضنك وماتجي على وجهك 

( يمكن ملاحظة فلسفية هندسية من أخوكم لكن ذا اللي لاحظناه )

 من كبرها مايحتاج تلف رقبتك 😅 

المكيف لما نحط السيارة وضع ال Eco تبريده يقل ! ياخي شيء غريب ماكنا نشوف هالشيء في تويوتا سابقاً!

‏آخ لو دخلت فيها بر أوباااااه كأنها تسبح ! إذا سمعت مقولة لاندكروزر مفخرة الأرض فبرادو ذي عز الأرض! قيادتها في البر جميلة جميلة نعومة وتحكم رائع 😍 حتى المطبات أو حُفر السيارة تحسها قطعة واحدة   👏🏾

‏وأنا أسوق فيها دخلت أماكن رائعة في العلا من كثبان ولولا الله ومن ثم أمن العلا كان دخلنا واااجد🤣

 متفككة وتسمع صوتها بشكل واضح جدا low Quality خاصة إذا دخلت البر.

‏فيها بلاستيك غريب حول الشاشة أسوا من بلاستيك ملاعق ام ٣ ريال !

‏ولمسة الشاشة وتفاعلها بدائية جدا وليست سريعة !

‏مقاعد الصف الثالث تخيلوا تنسحب كانها سجاد ! وغير مناسبة حتى للأطفال !!!!

‏عزلها سيئ لكن الصدمة طلع عزل الزجاج الجانبي جدا ممتاز لكن الصوت تسمعه من جهة الطبلون خاصة لو مشيت بسرعة فوق ١٢٠ كلم.

‏تبارك الرحمن ثلاجتها يمكن أحسن من ثلاجة بيتنا ! أبرد ثلاجة سيارة شفتها ، الناس تقول لانه حجمها صغير لا والله لو كبروها بعد نفس التبريد لانه المبرد يشتغل بزر ياولد مو على طول شغال !

‏سهلة الصيانة لصغر المكينة تقدر تدخل يدك بكل سهولة وتصلح اللي تبيه. دايما يقولون انتبه وقت الشتاء لاتشغل السيارة قبل ماتتأكد انه مافي قطاوة صح ؟ مع ذي السيارة تاكد انه مافي حتى كلاب أكرمك الله والسامعين من كبر المساحة وصغر المكينة !

‏سامحوني مرة أخرى طولت عليكم لكن ذا تحليل عملي وتجريبي لمدة ٥ أيام من قيادة السيارة من بعد الفجر حتى المغرب.

تجربة: حمدان بن محمد