لغة القالب

تجربة شراء سيارة اونلاين من موقع مزاد الامارات

تجربة شراء سيارة اونلاينمن موقع مزاد الامارات


تجربتي في شراء سيارة من موقع مزاد الامارات

طريقة الشراء ومتابعة الطلب

والاهم من هذا كلة الرسوم الخاصة بالتصدير عشان تحطها في بالك لما تقرر تشتري اي سيارة من الامارات

اول خطوة تحتاج تسجل بالموقع وترفع بياناتك ( جواز السفر - الهوية الوطنية )

اثنين : تودع المبلغ التأمين عشان يسمح لك بالمزايدة وهو ( 20% من القيمة الى راح تشتري فيها ) يعني على سبيل المثال بغيت تزاود بمبلغ 100.000 تودع لهم 20000 تأمين للمزاودة وفي حال ماشريت تقدر تسترجع التأمين بأي وقت كااامل

بعد ما تشوف السيارة الى تعجبك تزاود عليها لحد ما توصل السعر الى تستاهله السيارة وفي حال انه رسى عليك الف مبروك بكذا امورك في السليم

راح يرسلون لك فاتورة بالمبلغ كامل تحولة لهم من البنك خلال 48 ساعة كحد اقصى وترسل لهم ايصال التحويل والا راح يحسبون عليك كل يوم تأخير 300 ريال

بعد مايوصل لهم المبلغ يحتاجون من 1 - 21 يوم عمل عشان تكون الاوراق جاهزة


ع فكرة ياخذون 5% قيمة مضافة + 500 ريال رسوم الموقع

وبعد ما تجهز راح توصلك رسالة تفيدك ان الاوراق جاهزة وقدامك خيارين :
1- تخليهم يشحنون لك السيارة بـ 1800 شحن سريع او 1400 شحن عادي + الرسوم الجمركية وغيرها

2- تروح تستلم السيارة بنفسك وتخلص اورقها وتجي عليها للسعودية


النقطة المهمه والكثير يغفل عنها وهي رسوم التصدير  الى ممكن تغير وضعك من ربحان بالسيارة الى خسران

1- تروح لمستودع مزاد الامارات في دبي وتعطهم رقم جوالك ويطبعون لك ورقة استلام سيارة توقعها وتسلم سيارتك
2- تاخذ سطحة بـ 70 - 100 درهممن المستودع الى مركز الفحص ( تمام ) وتدخل السيارة وتدفع عليها رسوم 170 درهم قيمه فحص ( لو سقطت لا سمح الله تصلح المشاكل الى فيها وترجع تفحصها بـ 70 درهم )
3- تاخذ ورقة الفحص مع اوراق المزاد الخاصة بالسيارة وتروح تأمن عليها تأمين تصدير بـ 126 درهم.
4- تسلم الاوراق مع التأمين الى مركز RTA وتدفع مبلغ 400 درهم ( 200 درهم فتح ملف + 200 درهم لوح دبي تصدير )
5- بعدها تركب اللوح وتنطلق الى المنفذ وهناك تسلم الاوراق الى معك لهم وتدفع 225 درهم قيمة مخلص جمركي (للمكتب ) ويعطونك البيان الجمركي وبكذا تكون خلصت من الامارات

تدخل بمنفذ السعودية وتعطيهم الاوراق وراح تدفع 10% من قيمة السيارة
( 5% جمارك - 5% قيمة مضافة ) وانت وحظك في التقييم ممكن يقيمون سيارتك بملبغ بسيط وممكن يدبلون عليك قيمتها حتى لو قدمت لهم فواتير وغيره ما يعتمدونها
تراح يعطيك رقم سداد تسدد عن طريقة المبلغ وبعدها راح يطلب منك 300 قيمة اللوح الجمركية + 150 مخلص جمركي

ركب اللوح الجديدة وتوكل ع الله وفي الفسح الجمرك موضح لك

تروح لهيئة المقاييس او لمختبر المطابقة تدفع لهم 300 ريال يشيكون على الشاصي ويعطونك عليها تحويل للميناء الجاف تسلمهم الورقة وتاخذ بطاقة جمركية للسيارة

بكذا تكون خلصت ومبروك عليك السيارة

باقي الخطوة الاخيرة :

اذا بتسخدم السيارة يحتاج فحص + تأمين + لوح

اذا بتبيع خلاص تقدر تروح لأي معرض وينقلها لك بالبطاقة الجمركية


اتمنى ان الموضوع نال اعجابكم وان شاء الله يكون فيه فايدة للمقدم على الاستيراد

تجربة الأخ: SO FAR من البوابة الرقمية

03 أبريل

  1. اقدر اكمل كل شئ وانا في جدة السعودية يعني اخلص من مكاني وتوصلني السيارة لين جدة اخي

    ردحذف
    الردود
    1. ممكن يشحنون السيارة لك لكن برسوم اضافة الى الرسوم الجمركية.

      حذف
  2. يعني مايحتاج اروح المنفذ السعودي اخلص الاوراق ولا شئ ادفع المبلغ الاضافي لهم حق الشحن وتوصلني السيارة لين جدة؟

    ردحذف
    الردود
    1. نعم. لا يشترط ذهابك إلى أي مكان.
      وانصحك بالدخول لموقعهم والبحث في الأسئلة الشائعة. وكذلك مراسلتهم إذا أشكل عليك شيء.
      وبالتوفيق دائما.

      حذف
  3. يسعدك ربي ويوفقك ياغالي شكرآ لك

    ردحذف
  4. طيب ممكن يا خوى تعطينا مثل لو سيارة جبتها من المزاذ ب5000 درهم ممكن مع باقى المصروفات والجمارك توصل لكام لحين توصل السعودية
    وجزاك الله كل خير

    ردحذف
  5. هل فعلا استلمت الاوراق فى 21 يوم وات اتأخروا عليك و كيف كان حال السيارة ؟ و هل كانت سيارة محجوز عليها من شرطة دبى ولا سيارة محكمة؟ شكرا

    ردحذف
  6. اذا حد فيكم يريد يتبهدل نفسي ينزل التطبيق ده ،
    نصيحه من اخ لا احد يحمل التطبيق انا اشتريت من عندهم سيارة رقم المزاد 332315 وللحين ما اعطونى اوراق السيارة وكل يوم يقوللى بنخلصها بكره ، واقل وقت عشان يخلصوا لك السيارة 4 او 5 شهور ويكونوا كاتبين فى الشروط 21 يوم عمل والسيارة تظل واقفة فى الشارع بدون لوحات وبدون اوراق، فاحسن شئ لاتحمل التطبيق عشان بعدين لا تتورط نفسي . 0527401122

    ردحذف
    الردود
    1. شكرا لك لنقل تجربتك ليستفيد منها الجميع. ومعوض خير بإذن الله.

      حذف
  7. غير معرف22 سبتمبر

    ما أنصح اي حدا يتعامل معهم غشوني غش واضح و صريح بسيارة باعوني سيارة ما تتسجل و هنا تعريف هل الشي مع انو اعطوني اوراق المبايعة و الحيازة و كانت معاملة خدمة العملاء جدا سيئة و غير متعاونين

    ردحذف
    الردود
    1. غير معرف27 سبتمبر

      الله يعوضك خير. وشكرا لك على نقل تجربتك.

      حذف

عدد المواضيع