لغة القالب

الفرق بين الزينون والليد led vs xenon

الفرق بين الزينون والليد led vs xenon

الفرق بين الزينون والليد led vs xenon


الفروقات المعروفة بشكل عام الزينون اول شي حرارته اعلى (بمجرد ما تشغله لمدة 10 ثواني ما تقدر تلمسه من حرارته)

و يحتاج شوية وقت للتحمية عشان يشتغل على قوته الكاملة و يوصل الى لونه الحقيقي و استهلاكه للطاقة اعلى من الـ LED و عمره اقصر.


الـ LED روعة بسبب ان استهلاك الطاقة فيه منخفض جداً و عمر الـ LED طويل اضعاف الزينون

و المميز فيه يشتغل النور بشكل مباشر تماماً يعني يعطيك اللون و قوة الاضاءة على طول و بيعطيك شعور خيالي صراحة مع اول مرة تشغله و تشوفه بعيونك بعد التركيب.

الـ LED اكيد افضل و هو المستقبل طبعاً لكن فيه عدة سلبيات..على سبيل المثال يجي في اللمبة مدمج معها مروحة للتبريد لأن قاعدتها ترتفع حرارتها كثير (اللي يرتفع حرارته هي القاعدة اللي فيها مكونات الطاقة بينما شرائح الـ LED نفسها اللي يطلع منها النور مالها حرارة).


نقطة الحرارة مهمة و لهذا نلاحظ كثير من انوار الـ LED اللي يشترونها الناس للسيارات تخرب عليهم بعدها بفترة بسيطة (مع ان عمرها اساساً اطول بكثير من الانوار الاخرى)

لأن المشكلة هي في موضوع الحرارة و بعض نوعيات الانوار جودتها لك عليها بمعنى جودة المكونات تعبانة و بنفس الوقت جودة التبريد فيها سيئة و هذا اللي يخليها تخرب عليك بسرعة.


المختصر النهائي


لو تكلمنا عن انوار الـ Aftermarket يعني الصناعات الخارجية لتعديلات السيارات لا تزال حالياً تحتاج شوية وقت للتطوير عشان تصل الى مرحلة النضوج


بينما لو قلنا النور الأصلي OEM الجودة العالية مثل اللي يجي وكالة في بعض السيارات هذا ممتاز جداً و يعطي نتيجة اضاءة ممتازة و عمره طويل..خذ مثال على العدسة هذي تبع احد سيارات شركة Acura (الخط الفخم من شركة هوندا) شف كيف تصميم النور و طريقة التبريد فيها:
الفرق بين الزينون والليد led vs xenon

الفرق بين الزينون والليد led vs xenon



نفس طريقة الصناعة الاحترافية و التبريد العالي من الشركات الثانية لينكون و اودي و غيرهم..هذي النوعيات ممتازة جداً ما فيه افضل منها و سعرها غالي.


لكن النوع اللي نتكلم عنه هو اللمبة اللي على شكل LED مثل هذي و تلاحظ معها مروحة:
الفرق بين الزينون والليد led vs xenon


انا شخصياً جربت النوعية التالية على عدسة هالوجين (فورد ايدج سبورت 2013) و ليس عدسة زينون:
الفرق بين الزينون والليد led vs xenon
الشراء من موقعهم هنا:

مثل ما قلت لك بالسابق تعجبني جداً درجة اللون و سرعة التشغيل و الاطفاء المباشر و استهلاكها للطاقة منخفض

لكن مشكلتها ما اعطتني نتيجة اضاءة ممتازة..الهالوجين و الزينون يعطوني مدى اضاءة اطول قدام و هذا اللي خلاني اتخلى عن الـ LED و ارجع للزينون.

الـ LED مثل ما تلاحظ شريحة النور تجيك من جهتين فقط يعني ماهي على شكل 360 درجة مثل الزينون و الهالوجين و هذا واحد من الاسباب اللي تخلي النور اضعف او ما يضيء لك الشارع بشكل صحيح و كامل.

وايضاً السبب الكبير انها العدسة عندي مثل ما ذكرت عدسة هالوجين و ليست عدسة زينون..بمعنى احتمال اللي عنده عدسة زينون يصير معاه نتيجة افضل مني بكثير.


الكلام النهائي في الوقت الحالي خلك على الزينون اخوي كم سنة قدام لين ما نشوف ان شاء الله تطور اكثر لصناعات الـ LED الرخيص.

LED خلها للتكشيح (النور العالي) او لنور الضباب السفلي.


لو ودك تجرب حظك (يا تصيب او تخيب) و ما عندك مانع تخاطر بمبلغ 70 الى 200$ على حسب النوع..اشتر لك LED و جربها و عطنا النتيجة


طبعاً شرط لا تستخدم زينون او LED الا مع عدسة فقط لكن بدون عدسات خلك على هالوجين.

المصدر: DaNGeR MaN من البوابة الرقمية
28 يناير

  1. حسب التجربة لمبات LED اللي تضبط وزنيتها اكثر من غيرها الل تكون عدة شرائح مثل كذا SiriusLED 8000 Lumens Extremely Bright Philips Lumiled ZES Chip 50W LED Bulbs Conversion Kit for Car Headlights Fog Lights DRL 9005 HB3 6000K Xenon White https://www.amazon.com/dp/B0195SNN56/ref=cm_sw_r_cp_apa_4647xbQTXE0GX

    هذي تقدر توزن البؤرة لكن اللون معقول لكن ليس مثل 5000k عند شركة VLEDS 👍
    و السبب انها تضبط انها تحاكي شكل لمبات الهالوجين اكثر من اللمبات ذو التصاميم الاخرى
    و سبق و جربت شخصيا لمبات شركة VLEDS اللون ممتاز لكن النتيجة ما جت مضبوطة مع ان اللبمة تقدر توزنها لكن الشريحة كبيرة و هذا السبب

    موفق

    ردحذف
    الردود
    1. شكرا لك اخي عمر على نقل تجربتك
      وجزاك الله خيرا

      حذف

عدد المواضيع