تجربتي لـ تويوتا فورتشنر الجيل الأول
تجربتي لـ تويوتا فورتشنر الجيل الأول
المميزات:
🆗 السيارة عملية وتتحمل كرف.
🆗 مكيفها بارد ماشاء الله وواصل للمرتبة الثالثة والثانية،
🆗 مرتفعة عن الحفر والمطبات واذا أنت من اللي يطلعون أرصفة مابتقصر معك.
🆗 تحس السيارة ملمومة وماهي مثل السيارات الكبيرة تحس قلبك معها خايف تحك،
🆗 إذا بتاخذ نسخة 2015 بتجيك جنوط مكحلة يسمونها في الوكالة رمادي مدخن وطبعة 60 سنة وإصطبات خلفية فيها لون رمادي مدخن،
🆗 في التطعيس مو ذيك اللي تمتعك - 4 سلندر - لكن توصل أماكن اللي توصلها محركات 6 سلندر،
🆗 مدري إذا كل الفئات فيها شاشة لكن فيها بلوتوث، وفيها وصلة USB و AUX، حساسات خلفية مع كاميرا،
🆗 فيها زينون ويكون واطي والعالي أصفر - حركة ماتنفع عندنا يحسبوك مشغل العالي
🆗 السيارة فيها ABS و فيها دفلوك والدبل لابأس فيه - 4 سلندر -
العيوب :
🚫 السيارة و الكفرات حقت الوكالة قاسية ولاتفرش صح وقت التطعيس،
🚫 عزلها من بعد 100 تسمع صوت الهواء
🚫 الفرامل عندك الكفرات الأمامية تجي فيها كاليبرات الخلفية لا ،
🚫 المقاعد قاسية وتحس بعد فترة بآلام في وسط الظهر ،
🚫 السيارة ماتنفع مع اللفات القوية يعني بيلها سواقة راكدة ،
🚫 متعبة في الطلوع إذا كنت متعافي - دب ،
🚫 صرفية البنزين عالية بسبب أن الدفع الرباعي شغال معاك على طول ولايمديك تطفيه ،
🚫 لكن الدبل فيه خفيف و ثقيل تستخدمه فقط في البر واذا مسكت خط تحطه على H ،
🚫 الرفارف تجيك بلاستك وأي دقة خفيفة تنحك البوية .
💁 وفي النهاية إذا أخذت موديل 2015 ف الصيانة بتكون مجانا حتى 70 ألف كيلو متر
وعندك شبكة 4G لكنها تقطع بعض الأحيان ،
الحلو يوم أنتهت الباقة دقيت عليهم وجددوها لي بعد فترة أقل من إسبوع مجاناً ..
تجربة: 7m'9iat
28 فبراير